UN ENTROIDO DE CANTIGA
Vencellado co PDI deste curso.
Xa chegando a Coresma ofrecémosvos o relato do que foi o Entroido do noso centro, no que participaron mestres, alumnos e familias.
Sendo a temática do noso PDI (Palabras que trae o mar) a visita do Pergamiño Vindel, imprescindiblemente, o colexio viaxou no tempo e trasladouse á Idade Media. Así, desfilaron:
- o alumnado de 3 anos, disfrazado de terribles vikingos;
- o de 4 e 5 anos da sociedade medieval;
- os de 1º e 2º de Primaria: de personaxes do mundo mariño;
- os de 3º: das clases sociais da Idade Media;
- os de 4º: de peregrinos facendo o Camiño de Santiago;
- os de 5º: de figuras do xadrez;
- os de 6º: de sociedade da Idade Media.
Presentaron o desfile (no que houbo coreografías e representacións teatrais) dous alumnos de 5º curso de Primaria. O texto foi tan magnífico que non podiamos deixar de compartilo con vós. Neste enlace podedes lelo.
Marabillosa a representación do alumnado de 3º de Primaria, que nos deu a coñecer diferentes inventos da Idade Media (algúns deles, descoñecidos para nós): os botóns, a pólvora, o astrolabio, o libro, os spaguetti, o entroido...
Finalizou o día compartindo mesa coas familias.
Premendo na seguinte imaxe podedes acceder ó álbum de fotos.
Comentarios