CHEGOU O DÍA DAS BIBLIOTECAS ESCOLARES
Por fin, onte celebramos o Día das Bibliotecas Escolares. Unha festa moi esperada, pola expectación creada pola Maga Tomasa. Unha festa para aprender e para pensar. Unha festa moi grande, porque levamos máis dunha semana preparando este día.
Efectivamente: todo comezou o mércores pasado. Como lembraredes, a Maga Tomasa enviara unha carta a cada aula convocando ó alumnado a unha xuntanza na Biblioteca.
Algo atopamos, aínda que non solucionamos gran cousa: un pasaporte co nome da nosa aula e un símbolo moi extraño que, algún neno ben cativo identificou como un código QR. Sergio, de 5 anos, díxonos que iso aparecía sempre nos ovos sorpresa, e que o seu pai o escaneaba para que el poidera descargar xogos na tablet.
Mais... como escanear? Algúns opinaron que co ordenador, ou cun móbil, ou cunha tableta. Móbiles non tiñamos. O lector de códigos do ordenador está estropeado. Que facer...? Ó mellor a Maga Tomasa deixáranos unha nova pista dentro da biblioteca. Así que decidimos entrar con coidado.
Realmente, a Maga Tomasa é máxica. Non tardamos moito en descubrir, enriba dunha mesa, unha tableta. Os alumnos xa experimentados aprendéronos a escanear o código.
E... maxia potaxia! A propia Maga Tomasa falounos a través dun arquivo de audio.
Coa información da Maga non nos resultó difícil atopar a caixa de correos. Alí marchamos en busca da primeira pista...
... que resultou ser un póster.
Que representaría ese cartel? Algúns dixeron que un ascensor; outros que parecía un enxeño do futuro; e outro rapaz, que era a árbore do saber. A verdade é que, probablemente, todos tiñan razón, segundo comprobaremos polas nosas investigacións.
Ante a incerteza, decidimos ler. Descubrimos un título no que a palabra PENSAR estaba ben resaltada. Pero, ademais, reparamos en que a expresión Biblioteca Escolar aparecía tres veces. Entón, analizamos unha por unha as imaxes incluídas en cada pompa. E, reflexionando, chegamos á conclusión de que todas elas (os contos tradicionais, as novas, a música, as artes, a lectura de evasión, o teatro, as exposicións orais, os audiovisuais, o aprender a estudiar, a investigación en ciencias, en definitiva, o mundo), tiñan cabida na Biblioteca Escolar.
Xa non había duda. Podiamos completar a primeira parte do noso pasaporte: O 24 DE OUTUBRO CELEBRAMOS O DÍA DAS BIBLIOTECAS ESCOLARES.
A segunda parte preguntábanos polo título do noso proxecto. A verdade, non tiñamos nin idea. Así que houbo que volver á caixa de correos para descubrir a segunda pista. Eran cinco sobres con letras dentro.
Sentamos en mesas, e cada grupo intentou compoñer a súa palabra.
Tras varios intentos, decidimos que o título correcto debía ser: PALABRAS QUE TRAE O MAR.
Tocaba a terceira pista! Máis sobres e un código QR. Outra vez escaneamos, e escoitamos a mensaxe da Maga Tomasa.
E aquí, por arte de maxia, resultou que cada aula recibíu letras diferentes distribuídas en distintos sobres.
Despois de compoñer as palabras, cada grupo de alumnos obtivo un verso distinto:
- Educación Infantil 5 anos: Ondas do mar de Vigo
- 1º de Primaria: No sagrado en Vigo
- 2º de Primaria: Ai ondas que eu vin ver
- 3º de Primaria: Miña irmá fermosa vinde comigo
- 4º de Primaria: Mandado teño comigo
- 5º de Primaria: Cantas sabedes amar amigo
- 6º de Primaria: Ai, Deus, saberá agora meu amigo
Buscando na caixa de correo atopamos a pista 4. Soamente dous folletos iguais.
Analizamos entre todos a portada do folleto. Pensamos que as letras vermellas podían corresponder ó nome do autor. O debuxo representando a un trovador parecía bastante antigo. O fondo tamén. O único moderno parecía ser o texto da parte inferior.
Logo decidimos follear. Ó principio, textos informativos modernos. E, na páxina do medio, a foto dun documento realmente antigo no que descubrimos algúns pentagramas.
Na seguinte páxina atopamos sete poemas. Decidimos ler o primeiro verso de cada un. E... maxia potaxia! Alí estaba o noso verso!
Xa só quedaban dúas pistas, e estas chegaron no mesmo sobre:
E as respostas foron estas:
- O autor do noso verso é Martín Códax.
- O que chegou foi o Pergamiño Vindel.
Por último, a Maga Tomasa deixounos un encargo: escribir o noso verso con letras bonitas para decorar o noso mural. Os nenos e nenas de 5 anos foron moi aplicados, e trouxeron o seu traballo os primeiros. Quixeron agasallar así á Maga Tomasa, xa que celebrábamos o aniversario das bibliotecas escolares.
Pois xa vedes: un día no que disfrutamos e aprendemos moitísimo. Agora tocará investigar e rematar o noso mural. Pero iso contarévomolo noutra ocasión. Mestras tanto, deixámosvos coas fotos do día. Premede neste enlace para disfrutalas:
Comentarios